Prezad*s,
O vindeiro 13 de maio celebramos a última sesión de NEXOS antes do verán, nesta ocasión dedicada á Escola de Arquitectura do Porto, que tanto recoñecemento internacional obtivo e que tan boa pegada deixou na capital de Galicia.
Para coñecer un chisco máis dos seus valores e principios contaremos coa presenza dun dos seus fundadores, o catedrático Alexandre Alves Costa. E para afondar no seu impacto nas seguintes xeracións de arquitectos (portugueses e non só), conversaremos con Pedro Bandeira, profesor da Universidade do Minho e comisario da exposición “Escola do Porto: lado B / Uma história oral (1968-1978)”.
Na segunda parte da sesión teremos un espectáculo de luz e son inspirado na casa invisible de Álvaro Siza e creado en exclusiva para NEXOS polo pianista Pablo Seoane e o director de escena Carlos Álvarez – Ossorio.
E para rematar o acto co mellor sabor, estamos convidados a un viño e un petisco, por cortesía de Bodegas Martín Códax e Conservas Antonio Pérez Lafuente.
A organización desta sesión contou co apoio e colaboración do Instituto Camões, sede Vigo.
Remito adxunto o enlace á páxina onde vos podedes inscribir: http://www.
Esperamos contar coa vosa compañía, e agradezo inmenso o apoio que nos poidades prestar na difusión da actividade.
Un afectuoso saúdo,
No hay comentarios:
Publicar un comentario